எழுத்தில் என் முதல் முயற்சி...

உங்கள் கருத்துகளுக்காக காத்திருக்கிறேன்...

என்றும் நட்புடன்...

    இவ்வுலகின் சிறந்த சகோதரார்கள் என்றால் உடனே நம் நினைவுக்கு வருவது ராமன்-லட்சுமனன்.

  காதலர்கள் என்றால் லைலா-மஜ்னு, சலீம்-அனார்கலி, அம்பிகாபதி-அமராவதி என்று என்னற்ற ஜோடிகள் நம் கண் முன் வந்து மறைகின்றனர்.

   கணவன் மனைவி என்றால் ஆதாம்-ஏவாளில் ஆரம்பித்து ராமன்-சீதை, சத்யவான்-சாவித்ரி, மார்க்ஸ்-ஜென்னி என்று பலர் நம் நினைவுக்கு வருகிறார்கள்.

      ஆனால், உண்மையான-சிறந்த நட்பு அல்லது நண்பர்கள் என்று சொன்னால் நம் மூளையைப் பிசைந்தாலும் எவரது பெயரும் உடனே சிக்குவதில்லை. சிலநேரங்களில் நமது நட்பு, கூட ஞாபகமிருப்பதில்லை. ஏன், நட்பு இந்த உலகில் இல்லை என்பதாலா? இல்லை. நட்பு இருக்கிறது எண்ணில் அடங்காத அளவிற்கு நட்பு உள்ளது.

      ஆகையால், எதைக் கூறுவது என்று நமக்குத் தெளிவில்லை.

  ஆனால், இதோ ஒரு உண்மையான நட்பு. மார்க்ஸ் கணவன்-மனைவி உறவுக்கு மட்டுமல்ல, நட்புக்கும் ஒரு மிகச்சிறந்த உதாரணம். மார்க்ஸ்-ஏங்கல்ஸ் உறவு. வெகு சிலருக்கே பரிச்சயமானது இந்த நட்பு. நட்பு தன்னை பிரகடனம் செய்வதும் இல்லை; தன்னை மண்ணுள் புதைத்துக் கொள்வதும் இல்லை. அது தன் இயல்பு மாறாமல் நண்பர்கள் இறந்த பிறகும் ஏதோ ஒரு வகையில் சுற்றிக்கொண்டுதான் இருக்கிறது. அப்படிப்பட்ட நட்பு மார்க்ஸ்-ஏங்கல்ஸ்க்கு இடையில் இருந்தது. அவர்களுக்குப் பின்னரும் பல வடிவங்களில் சுற்றிக் கொண்டே இருக்கிறது நட்பு. அவர்களின் நட்பை ஒருபக்கம் கூட சொல்லத் தேவையில்லை; சில வார்த்தைகளில் சொல்லிவிடலாம்.

அது இன்றைக்கு வெகுவாக இருக்கும்

போலியான நட்பைப் போன்றதில்லை

எதிர்பார்க்கும் நட்பைப் போன்றதில்லை

சுயநல நட்பைப் போன்றதில்லை

அது வெறும் ' நட்பு ' அவ்வளவே.

   இந்த நட்பு ஒரு புத்தகதில் இருந்து எனக்குள் ஊடுருவியது. இப்போது என்னுள் இருந்து, இன்று என் கணினியில் நுழைந்து வலைதளம் வழியே இங்கு தவழ்கிறது. பிறகு இங்கிருந்து உங்களின் புலண்கள் வழியே உங்கள் மூளையை தொட்டு மனதில் சிம்மாசனம் இட்டு உட்காருகிறது. பின்னர் அங்கிருந்து ஏதோ ஒரு வகையில் வெளியேறி வேறு ஒரு உருவம் பெறுகிறது. இப்படி தன்னை உயிருடன் வைத்துக்கொள்கிறது இந்த நட்பு.

    இப்படியும் நட்பை உயிரோட்டம் பெறச்செய்யலாமோ?

    சரி! இன்றைய சூழ் நிலைக்கு இப்படியாவது நட்பை உணருவோம்.